Plantun de Prouvènço

Pèr coumpara dos planto d'encò nostre

Bellis annua & Cyperus esculentus

Bellis annua

Asteraceae Compositae

Nom en français : Pâquerette annuelle.

Descripcioun :
Ei la pichoto cousino de la margarideto, Bellis perennis. Vèn dins li relarg un pau sala. S'atrobo pèr eisèmple sus li tucoulet de la sansouiro vo li pradarié en ribo de mar. Li fueio soun pichoto e molasso coume un pau touto la planto.

Usanço :
Ei manjadisso coume Bellis perennis. Emai n'en sabèn pas mai déu agué uno usanço proche .

Port : Erbo
Taio : Pancaro entresigna
Fueio : basalo
Tipe bioulougico : Pancaro entresigna
Cicle bioulougico : Pancaro entresigna

Gènre : Bellis
Famiho : Asteraceae
Famiho classico : Compositae

Coulour de la flour : Blanco Jauno
Petalo : >6
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Ensalado champanello

Liò : Sansouiro
Estànci : Pancaro entresigna
Couroulougi : Pancaro entresigna
Ref. sc. : Bellis annua L., 1753

Triangle(-manjadis)

Cyperus esculentus

Cyperaceae

Nom en français : Souchet comestible.

Descripcioun :
Lou triangle-manjadis trachis dins li limas de ribiero o li culturo. Pèr l'ouro n'i'a pas gaire au nostre, soulamen un pau au couchant. Se recounèis à sis enflourejado jauno daurado e subretout à si cabosso o tubercule. Douno un pau d'èr à Cyperus rotundus que fai de cabosso negro. La varieta presentado eici, Leptostachyus, èi naturalisado (óurigino Americo de l'uba).

Usanço :
Coume lou dis soun noum es uno planto manjadisso. En Espagno s'adoubo emé lou tubercule l'horchata de chufa, valènt-à-dire l'ourjado de triangle. Se fai tambèn un òli de qualita, richo en vitamino E e bon pèr la pèu.